፲፩ ወእመሰ ዐመፅኩ ወቦ እኩይ ዘገበርኩ በዘእመውት ኢይትሀከይ መዊተ ፤ ወእመሰ በከ ያስተዋድዩኒ እሉ ዘአልብየ ጌጋይ ለመኑ ብእሲ ይደልዎ የሀበኒ ሎሙ ፤ አነ በቄሣር ንጉሥ እጠርእ። ፲፫ ወእምድኅረ ፡ ኅዳጥ፡ መዋዕል፡ ወረዱ ፡ አግሪጳ ፡ ንጉሥ ፡ ወበርኒቄ ፡ ወተአምኅዎ ፡ ለፊስጦስ ። ፲፬ ወነቢሮሙ ፡ ብዙኀ ፡ መዋዕለ ፡ ኀቤሁ ፡ ነገሮሙ ፡ ዜናሁ ፡ ለጳውሎስ ፤ ወይቤሎሙ ፡ ሀሎ፡ አሐዱ፡ ብእሲ ፡ ሙቁሕ ፡ ዘኀደጎ ፡ ፊልክስ ፡ ውስተ ፡ ቤተ ፡ ሞቅሕ ። ፲፭ ወእንዘ ፡ ሀሎኩ ፡ ኢየሩሳሌም፡ መጽኡ ፡ ኅቤየ ፡ ሊቃነ ፡ ካህናት ፡ ወረበናተ ፡ አይሁድ፡ ወአስተብቍዑኒ ፡ ከመ ፡ እኩንኖ ፡ ሎሙ። ፲፮ ወእቤሎሙ ፡ ኢይከውን ፡ ወሕግ ፡ አልቦ ፡ በዘይኬቤንንዎ ፡ ዘኢዘለፍዎ ፡ ማሕተት ፤ ወዘኢረከቡ ፡ ሎቱ ፡ ጌጋየ ፡ ሕሩም ፡ ኢይኬንኑ ፡ ሰብአ ፡ ሮሜ ፡ በከመ ፡ ረከቡ ። ፲፯ እምዝ ፡ መጺእየ ፡ ዝየ ፡ ተጋብኡ ፡ ካዕበ ፤ ወበነግህ ፡ ነበርኩ ፡ ሎሙ ፡ ዐውደ ፤ ወአዘዝኩ ፡ ያምጽእዎ ፡ ለውእቱ ፡ ብእሲ ። ፲፰ ወአቀምኩ ፡ ምስሌሁ፡ እለ፡ ያስተዋድይዎ ፤ ወአልቦ ፡ ምንትሂ ፡ እኩይ ፡ ዘገብረ ፡ በዘአብጽሕዎ ፡ ሎቱ ፡ በከመ ፡ ሐለይኩ ። ፲፱ ዘእንበለ ፡ በእንተ ፡ ሕገጊሆሙ፡ ዘይትከሐዱ ፤ ወሀሎ፡ አሐዱ፡ ብእሲ ፡ ዘስሙ ፡ ኢየሱስ ፤ ዘሞተ፡ ወጳውሎስ ፡ይብል ፡ ሕያው፡ ውእቱ። ፳ ወኀጢእየ ፡ እንከ ፡ ዘእገብር፡ ሎሙ ፡ ፍትሐ ፡ በእንተ ፡ ማኅሠሦሙ፡ እቤሎ ፡ ለጳውሎስ ፡ ትፈቅድኑ ፡ ትሑር ፡ ኢየሩሳሌም ፡ ወበሀየ ፡ ትትዋቀሥ ። ፳፩ ወአበየ ፡ ውእቱሰ ፡ ወተዘመረ ፡ መድኃኒቶ ፡ ኅበ ፡ ንጉሥ ፤ ወእምዝ ፤ አዘዝኩ ፡ ይዕቀብዎ ፡ እስከ ፡ እፌንዎ ፡ ኅበ ፡ ቄሣር ።